Dísa & Beta

Eldföst skál, Uunikokki frá Arabia. Tekur um 1,5 lítra, er um 25 cm í þvermál og um 8 cm á hæð. Skálina má setja í frysti, bakarofn og örbylgjuofn þannig að hún hentar jafnt fyrir ofnrétti, pasta og allskonar heit og köld salöt. Eins og ný. Verð: 2800 krónur.

Sænskur leslampi frá Belid. Hæðin passar við hægindastól eða sófa. Verð: 4800 krónur.

Ljóðabók eftir Ólaf Jóhann Sigurðsson, gefin út af Menningarsjóði 1974. Mjög gott ástand. Verð 1500 kr.

Vasi frá óþekktum framleiðanda (merktur WB905/2). Hæð um 16 cm. Verð: 1200 krónur.

Snjólaug blessunin bregst ekki. Hér gefst tækifæri til að eignast eitt af þekktustu verkum hennar, Allir eru ógiftir í verinu, útg. af Erni og Örlygi árið 1974. Mjög fínt skikk.

Verð 1500 kr. eða besta boð.

"Ég hef skrifað bernskuminningar í þetta kver án nokkurra vilyrða um sannindi, beinlínis í þeirri mynd sem þær hafa þyrlast upp úr rykugu hugskoti mínu ..."  Segir Stefán Jónsson í þessari þekktu bók.

Eintak í toppstandi, verð kr. 2500 eða besta boð.

Nett kökubox með ferfættum vinum vorum. Verð: 1400 krónur.

Gulur Thermos-kaffibrúsi. Tekur hálfan líter af heitum eða köldum drykk og er með máli ofan á. Verð: 1400 krónur.

Gamall retró-borðlampi, að öllum líkindum frá Þýskalandi. Það sér örlítið á lakkinu en hann virkar vel og er til gagns og prýði hvar sem hann stendur. Verð: 4500 krónur.

Dönsk piparkvörn frá því um 1960. Eðalhönnun frá Laurids Lønborg, drottning piparkvarnanna í fínu formi. Þessar kvarnir þykja eftirsóttir gripir í eldhúsum kokkatöffara um allan heim og seljast ekki ódýrt, eins og til dæmis má sjá hér og hér.  Hæð 23,5 cm. Verð: 5000 krónur.

Tveir gamlir og grúví hanabakkar úr málmi, fallega rauðir á bakhlið. Mjög hentug stærð (41x20 sm). Ath. þeir líta betur út en á mynd, það koma einhverjir skrýtnir skuggar á ljósmyndunum.
Verð 1000 kr. stykkið, 1600 ef báðir keyptir saman.

Finnskur ostaskeri frá Hackman, hannaður af Kaj Franck. Þeir gerast varla sígildari. Verð: 2000 krónur.

Kits? Já, já, en svalur lampi engu að síður, útskorinn í tré. Skermurinn er sérlega fallegur, sér aðeins á honum en það gefur bara gamlan og hlýlegan sjarma. Hæð lampa með skermi er 49 sm. Verð (lampi + skermur)  3900 krónur eða besta boð.

Snotur lítill spegill á vegg, vel með farinn. Framleiddur í Indlandi fyrir Bretlandsmarkað.  Spegillinn er vandaður, á honum er málmbak og hanki til að hengja upp. Þvermál um 16 sm. Verð 1000 kr.

Mjög fallegar "miðrar-síðustu-aldar" skálar, framleiddar í Bretlandi. Frábært skikk, nokkuð stórar (um 23 sm þvermál). Passa vel undir popp eða jafnvel víða blómapotta.

Hvíta skálin seld, þessi brúna fæst á 600.

Nú gefst áhugafólki um kvenlega fegurð einstakt tækifæri til að eignast samnefnda bók. Bókin kom út árið 1956 hjá Bókaútgáfunni Setbergi. Frú Ásta Johnsen ritstýrði og lagaði texta að íslenzkum aðstæðum, en höfundur er Olga Tschechowa.

Bókin er ríkulega myndskreytt (ljósmyndir og teikningar) og afar vel úr garði gerð, m.a. má sjá allnokkrar ljósmyndir af íslenzkum fegurðardísum.

Margar myndanna eru furðu lausar við tepruskap, t.d. ein af kviknakinni konu í flæðarmáli og bókina prýða einnig spræklegar teikningar af berbrjósta konum í leikfimi.

Mjög vel með farið eintak. Verð: Hæsta boð (lágmarksboð 2500 krónur).

Sænskir kertastjakar fyrir mjó kerti, silfurhúðaðir og mjög fallegir. Verð 2000 kr. parið.

  >

Kexbox með páskaliljum, prímúlum, gleym-mér-ey og rósum. Stærð 23,5cmx22cm. Hæð 6,5 cm. Verð: 1000 krónur.

Hnífaparakrukka af minni gerðinni frá Moira-Pottery á Englandi. Verð: 2000 kr.

Stálskál með tekkloki og skeið. Fullkomin fyrir chutney, grillsósu, kanilsykur, sultu eða brætt smjör. Verð: 1500 krónur.